Il dretg da survegnir la CartaCulturala han persunas creschidas ed uffants a partir da 5 onns che vivan en il chantun Grischun e che disponan d'entradas pitschnas. Il dretg cumprovais Vus cun in dals suandants documents:

• agid social u provediment d'asil – conferma da sustegn actuala
• prestaziuns supplementaras tar la AVS/AI – disposiziun
• stipendis (maun public) – decisiun
• sequestraziun da la paja – document da sequestraziun

Vus na disponis da naginas da las confermas menziunadas survart, ma avais entradas pitschnas? Alura examinain nus gugent Vossa dumonda a maun da Vossa taxaziun definitiva da la taglia.

Per las entradas e la facultad vala la suandanta limita:

1. Entradas

Entradas maximalas per chasada ad onn (incl. supplements per uffants ed aliments)

Decisiv è il total da las entradas tenor cifra 8.0 da l'ultima taxaziun definitiva da la taglia communala e chantunala (per l'examinaziun duvrain nus tut ils detagls davart la facultad e las entradas)

Per in genitur senza dretg da tgira dals uffants, che paja aliments, vala suenter la deducziun dals aliments la medema limita d'entradas sco per ina persuna singula (CHF 44'160.-).

Tar persunas cun ina taxaziun d'impostas a la funtauna vegn quintà cun la paja netta dal rendaquint da paja mensil x 12, resp. x 13 ubain cun la paja netta da l'ultim attest da la paja annuala.
 

2. Limita maximala da la facultad 
 

Sco facultad dastga esser messa da la vart maximalmain in'entrada annuala totala tenor la tabella qua survart.
Exempel: Ina persuna ch'educhescha suletta in uffant dastga avair entradas annualas da maximalmain CHF 58'200.– (tenor cifra 8.0 en la taxaziun da la taglia) ed ina facultad da CHF 58'200.– per pudair profitar da la CartaCulturala dal Grischun.

Confermas da sustegn na dastgan betg esser pli veglias che 3 mais. Disposiziuns davart prestaziuns supplementaras, sequestraziuns da la paja e cumprovas da stipendis ston esser actualas, resp. pertutgar l'onn current. Ils attests da paja ch'èn d'inoltrar ston esser da l'onn precedent.

Vus avais differentas pussaivladads da far la dumonda da survegnir la CartaCulturala:

• online via la dumonda online
• per e-mail a kulturlegi@caritasgr.ch
• persunalmain en il biro CartaCulturala: Caritas Grischun, Tittwiesenstrasse 29, 7000 Cuira, 4. auzada
• en scrit per posta: Caritas Grischun, CartaCulturala Grischun, Tittwiesenstrasse 29, 7000 Cuira

Qua pudais Vus telechargiar il flyer digital.