La CartaCulturala per purschidas favuraivlas dal temp liber, da cultura, sport, furmaziun e sanadad

La CartaCulturala è in document persunal gratuit per creschids e uffants a patir da tschintg onns. Cun quella survegnis Vus rabats sin passa 3´600 purschidas en l´entira Svizra. La CartaCulturala pudais Vus dumandar tar Caritas Grischun. Ella è valaivla in onn e po vegnir prolungada suenter ch'ils documents èn vegnids examinads danovamain.

La carta dat il dretg sin pretschs pli favuraivels per diversas purschidas en ils secturs cultura, furmaziun, sport, temp liber e sanadad. La CartaCulturala è da mussar avant che pajar. Tar reservaziuns ed empustaziuns (p.ex. abunament da gasetta) èsi da far attent a la CartaCulturala. Las instituziuns partenarias han plazzà il tatgader cotschen da la CartaCulturala bain visibel a la cassa e sa preschentan uschia sco „lieus da solidaritad vivida“

Cun la CartaCulturala profitais Vus da reducziuns da pretsch da fin a 70 pertschient per bleras purschidas el chantun Grischun e bleras ulteriuras offertas en l´entira Svizra. Intgins exempels:

  • Vus pajais pli pauc ir en il museum u a teater.
  • La commembranza dall´uniun da ballape u tennis è pli favuraivla.
  • Il curs da tudestg custa pli pauc.
  • Il pretsch per l´excursiun da famiglia al bogn è considerablamain reducì.
  • La carta per la biblioteca locala u l'abunament da gasetta survegnis Vus per paucs daners.

La CartaCulturala è gratuita

La CartaCulturala per l`entira Svizra

Las utilisadras ed ils utilisaders da la CartaCulturala profiteschan da la gronda acceptanza da la CartaCulturala en l´entira Svizra. La CartaCulturala regiunala per exemepel è valaivla en l´entira Svizra per tut las purschidas.

This website uses cookies

This website uses cookies to improve user experience. By using our website you consent to all cookies in accordance with our Cookie Policy.