app.kulturlegi.ch

La CartaCultura datti da nov er a moda digitala e po vegnir activada en nossa applicaziun-web app.kulturlegi.ch – cumplementarmain a la legitimaziun stampada. Grazia a l’app pudais Vus As identifitgar a moda fitg simpla cun Voss telefonin sco commembra u commembra da la CartaCultura e profitar da las passa 3’800 purschidas en tut la Svizra.

Nagina CartaCultura valaivla?
Sche Vus n’avais anc nagina CartaCultura u sche la Vossa è scadida, pudais Vus dumandar qua per in’emprima legitimaziun u per ina prolungaziun.

Ina CartaCultura emessa a maun?
Sche Vus avais ina CartaCultura emessa a maun, pudais Vus far ina dumonda online per ina carta nova cun chargiar si ina copia da la CartaCultura valaivla e la conferma en scrit necessaria. Nus As tramettain la(s) Carta(s)Cultura actualisada(s) incl. il link per activar la CartaCultura digitala entaifer 7-10 dis.

Diever da la CartaCultura digitala
Vossas indicaziuns persunalas en la legitimaziun digitala èn identicas cun quellas sin la carta da palpiri. En l’applicaziun-web chattais Vus supplementarmain in code QR che cuntegna medemamain questas datas. Grazia a quel code pon partenari*as che mettan a disposiziun purschidas controllar la valaivladad da la CartaCultura via scan. Ulteriuras infurmaziuns davart l’applicaziun-web da la CartaCultura chattais Vus sin www.kulturlegi.ch/app.

Adressa dad e-mail sco premissa
Sco utilisadra existenta/utilisader existent d’ina CartaCultura pudais Vus activar la legitimaziun digitala sut quest link applicaziun-web da la CartaCultura. Resguardai p.pl. che quai è pussaivel mo per persunas che han inditgà in’adressa dad e-mail valaivla cun far la dumonda originara per la CartaCultura. Quella sto correspunder a l’adressa dad e-mail inditgada per l’activaziun.

Memorisar in’adressa dad e-mail u la laschar adattar (pussaivel mo cun ina CartaCultura valaivla)
Sche Vus vulais retrair la legitimaziun digitala e n’avais anc betg memorisà in’adressa dad e-mail, pudais Vus communitgar a nus quella incl. Voss’adressa cumpletta e Vossa data da naschientscha a kulturlegi@caritasgr.ch. Silsuenter vegnin nus a far l’adattaziun respectiva.