Co funcziunescha la CartaCulturala?

La CartaCulturala Grischun dovri, perquai che 10% da la populaziun grischuna, tranter quels numerusas famiglias cun blers uffants, na pon savens betg sa prestar occurrenzas culturalas, purschidas dal temps liber e perfecziunaments per motivs finanzials. Quai porta als pertutgads dischavantatgs socials considerabels e sminuescha lur qualitad da vita. Umans ch'èn pertutgds u periclitads da la povradad dovran en media 50% da lur entradas per pajar l'abitaziun e ed il da mangiar.

Per impedir l'exclusiun sociala chaschunada da la povradad è vegnida introducida il 2003 a Winterthur l´emprima CartaCulturala per l´entira Svizra. Ella è s'etablida cun success er en il chantun da Turitg, il chantun da Berna, en la Svizra Centrala ed a Freiburg e conturn. Il matg 2007 è stà il signal da partenza per la CartaCulturala Cuira en collavuraziun cun la citad da Cuira. Il schaner 2020 ha Domat introducì la CartaCulturala.

La CartaCulturala è d´ina vart in document d´identitad che pussibilitescha a glieud cun in'entrada modesta l'access facilità a tschertas occurrenzas da la veta publica ed a purschidas dal temps liber per in pretsch reducì. En il senn da la solidaritad vivida concedan fatschentas e uniuns dals champs sport, cultura, furmaziun e divertiment a las utilisadras ed als utilisaders da la KulturLegi rabats da 30 – 70% e gudognan uschia in nov segment da clientella. - Ina plaschaivla situaziun da win-win per tuttas e tuts!

Per porscher a Vus la meglra experientscha pussaivla en il web utilisain nus cookies e tecnologias da fastizar tenor nossa decleraziun davart la protecziun da datas.